اجر حسبات بيك وبيك اسولف دوم
واتاني الليل يطلــع يعد حسباتي
وأصفن بيـك اشوفن صورتك بالعين
وتالي الگــآك صفنه بضمن صفناتـي
واساهرلك ليالي واگعد ويه الضيمـ
والگاك آنه ونـّه ابين وناتـــي
وألاعب طيفكـ الغافي اعله رمش العين
وبس افتح جفونـي تزيد لوعاتـي
مو چيف آنه احبك دوم افكـر بيك
بس چيف انتَ صايــر ضمن صفحاتـي
ولو حتى القلمـ يعجز يخط احروف
اخطلك دمـع عيني ابوسط ورقاتي
وأذا اگولن احبك تدري ما وفيت
اكثر من أحبك انه احبـــنك
ومآ اگولن اريدك لأن كلك هاذ
بيه وبعد صّدگ ما أعوفنك
واكتبنك شعر وأسهرلك انه الليل
واشوفك يمي ذايب شمعه اشعلنك
واصيرن خيط غافي بنصك ايموع
واذوبن بيك آنه وما أذوبنّك
دومك ما تجي وتسأل
( وأنا اجيك )
وآنه الدوم اصيحلك
( وأناجيك )
تذكر من رحت گتلي
( آنه أجيك .؟)
بعد لاتجي ما تحلگ عليـــه
// تحياتي // زياد البصراوي //